Për herë të parë Stine ka folur në lidhje me incidentin mes tij e Flori Mumajesit, duke thënë fillimisht se ai nuk është nga ata artistë që “kërkon famën në këtë mënyrë”. Ernest Duka ka folur gjatë performancës së tij në Dance With Me, ku ka shtuar se nuk ka dëshirë që të flasë shumë për këtë çështje. Stine ka kërkuar dhe ndjesë publike ndaj publikut, duke shtuar se “artistëve nuk i shkon që të bëjnë të tilla gjeste”.
“U fol dhe u tepërfol për shumë gjëra. Ne jemi artistë, secili të tregojë punën e tij. Nuk jam nga ata artistë që e kërkojnë famën në këtë mënyrë sepse atë e kam tashmë. Kërkoj ndjesë për të tilla incidente sepse neve nuk na shkon të bjëmë të tilla gjeste.
Partnerja e tij në këtë show televiziv Roza Lati tha : Për këtë skandal që ka ndodhur, unë i njoh që të gjithë personazhet dhe unë njoh më mirë Stinen… realisht Stine është njeri i qetë. Dikush duhet ta ketë mërzitur shumë që ka vepruar ashtu.
