Steven Seagal, yll i filmave aksione me arte marciale, është ftuar nga Serbia për të stërvitur trupat e policisë në Aikido, art marcial japonez.
“Kur një yll kaq i famshëm vjen në Serbi, e do vendin tonë dhe njerëzit tanë, dëshira jonë është ta shohim atë përsëri këtu”, ka thënë kryebashkiaku i Beogradit, Sinisha Mali.
Gjatë tre ditëve vizitë në kryeqytetin e Serbisë, 63 vjeçari është takuar me presidentin Tomislav Nikoliç dhe kryeministrin Aleksandar Vuçiç.
Pasi mori një çmim nga Fondacioni Vëllezërit Kariç për punën e tij humanitare, Seagal tha se ishte krenar që merrte të njëjtin çmim që ka marrë edhe presidenti rus, Vladimir Putin.
