Deputetët në komisionin e politikës së jashtme nuk kanë mundur t’i shmangen debatit për statutit e PS-së. Diskutimet e para i nisi ish deputeti socialist Kastrioz Ismali, i cili duke ironizuar i ka thënë pjesëtarëve të medias që të largohen, pasi do të niste diskutimi për statutin e PS-së.
Katriot Islami-medias: Ikni tani se kemi një debat për statutin.
Jozefina Topalli: Ne nuk përzihemi në çështje të brendshme.
Kastriot Islami: Mua më pëlqen shumë Don Kishoti me Sanco Pançon. Si ishte ajo e Pandit dje?
Arta Dade: Pandi në respektim të statutit është bërë kryeministër. Ja mediat mua më duan për këto gjëra. Se si kryetare komisioni nuk më nxjerrin asnjëherë. Tani janë shumë të interesuar.
Eduard Selami: Kanë të drejtë.
Dade: Po ju them një të vërtetë, Pandi është bërë kryeministër në 98 për shkak të zbatimit të statutit. Meqë kryetari i partisë dhe ish kryeministri dha dorëheqjen, në zbatim të statutit kryeministër u bë numri dy i partisë. Ai ishte sekretar i përgjithshëm.
Islami: Nuk është e njëjta situatë. Pandi është njësoj si ky (Blushi). Ai në fillim deshi t’i ndante, pastaj t’i bashkonte. Mban mend? Se unë kam pak vështirësi me gjuhën. Tha ai që Blushi ka të drejtë por unë jam me Ramën?
Dade: Tha që mbështet Blushin për shkeljet statusore por unë jam me Ramën.
Selami: Më fal, por kur ky ka të drejtë, si mund të jetë me atë tjetrin?
Dade: Nuk jemi në një ndeshje futbolli këtu për t’u ndarë se me cilin je. Të gjithë duhet të jemi me statutin dhe me zbatimin e statutit dhe të ligjit.
Islami: O Eduard, ai është vemje ai. S’mban përgjegjësi për ato që thotë.
Dade: Kjo është jashtë mbledhjes.
Dule: Ky do jetë lajmi kryesor nesër.
Islami: Po ja të pimë dhe kafen, të bëjmë dhe lajmin. Blushi është Don Kishoti, Eduardi është Sanco Panço.
Deputetët janë përfshirë në debate mes tyre pasi po prisnin ardhjen në komision të Ministres së Kulturës Mirela Kumbaro, në lidhje me debatin e zhvarrosjes së eshtrave të piktorit Ibrahim Kodra.
