Duke filluar nga janari 2018, bizneset duhet ta blejnë energjinë nga kompanitë private të liçencuara nga Enti Rregullator i Energjisë (ERRE).
Ministria e Infrastrukturës dhe Energjisë njofton se Shqipëria ka nisur liberalizimin e tregut të energjisë që hap rrugën thellimit të reformës në këtë sektor.
Kjo do të thotë se këtë produkt kompanitë do të duhet ta sigurojnë vetë dhe jo ta marrin më nga Operatori i Shpërndarjes së Energjisë Elektrike (OSHEE).
OSHEE nëpërmjet një shkrese u ka kërkuar, klientëve ( bizneseve) më të mëdhenj, të cilat furnizohen me linjë prej 35 kilovolt, që të marrin masa për të lidhur kontratat me furnizuesit e rinj, që mund të jenë HEC-e apo kompani tregtare.
Sipas ekspertëve të MIE, proçesi i liberalizimit të tregut të energjisë nisë me bizneset e mëdha (fabrika) do të vijojë gjatë vitit 2018 me klientët që furnizohen me linjën 20 kw që përbëjnë pjesën më të madhe të biznesit dhe më pas për bizneset që furnizohen me linja 6 deri në 10 kw.
Rrrjeti për furnizimin me energji elektrike nga kompanitë e liçensuara është i gatshëm dhe ka akses të garantuar.
Aktualisht në vend janë rreth 80 kompani të liçensuara nga ERE, me të cilat bizneset duhet të lidhin një kontratë të re për tu furnizuar me energji elektrike. Klienti paguan çmimin e transmetimit, çmimin e shpërndarjes dhe energjinë që blihet nga burime të brendshme ose të jashtme
Parashikohet që bizneset që do të dalin në tregun e lirë, zënë aktualisht 15 për qind të konsumit total, të energjisë elektrike në vend./atsh
