Mediat gjatë ditëve të fundit kanë shkruar për prishjen e miqësisë 18-vjeçare mes kryesocialistit Edi Rama dhe ish-deputetit Koço Kokëdhima. Disa teza janë hedhur për arsyen e kësaj “ftohjeje” mes tyre, dhe një rpej tyre ishte ajo e faktit se Edi Rama nuk ndërhyri te gjykatësit e Kushtetueses kur i hoqën mandatin Kokëdhimës.
Në gazetën e Kokëdhimës “Shekulli” sot u botua një editorial për të sqaruar të vërtetën e kësaj “ftohjeje” mes Ramës dhe Kokëdhimës. Midis rreshtash, në editorial lihet të kuptohet se marrëdhënia midis tyre nuk është si më parë, dhe kjo lidhet me çështjen e reformimit të brendshëm të PS. Me faktin që Rama nuk mbështeti propozimet e ardhura nga Kokëshima por ato të Gramoz Ruçit.
“Kokëdhima nuk donte ta konsideronte se reforma e tij për të zhbërë takimet e përditshme, njoftimet që i vinin nga zyrat e ngritura në rajonin e Vlorë-Gjirokastrës, ai e kishte të qartë atë që po bënte: një parti të hapur për të rinjtë, për profesionistët, për të mënjanuarit dhe të përçmuarit e të majtës, duke ia hequr rolin e qehajait një grushti njerëzish, prej të cilit partia ishte kthyer në një parti familjare, që trashëgohej dhe mbyllej brenda një trungu. Por “projekti pilot”, siç do ta cilësonte Gramoz Ruçi në Kongresin e PS-së, po shembte themelet e një ngrehine politike, prej të cilës njerëzit vetëm sa ishin larguar, sepse nuk e gjenin veten dhe nuk i pranonte njeri brenda. A ishte ky një projekt që cenonte pozitat e Edi Ramës në PS? Përkundrazi. Me një anëtarësi të trefishuar vetëm në rajonin Vlorë-Gjirokastër, fitore bindëse kryetarësh bashkish në zgjedhjet e vitit 2015 në të pesë bashkitë problematike në zonën ku drejtonte Kokëdhima, e majta ishte në kulmin e saj…”, thuhet ndër të tjera në editorialin e “Shekulli”.
