Garuesi ukrainas në skeleton (lloj sporti dimëror), Vladyslav Heraskevych, ka denoncuar se Komiteti Olimpik Ndërkombëtar nuk do t’i lejojë të garojë me një helmetë të dedikuar për sportistët ukrainas që kanë humbur jetën gjatë luftës.
Sportisti, i cili u rendit i katërti në Kampionatin Botëror 2025, kishte përdorur helmetën gjatë stërvitjeve në Cortina, por të hënën në mbrëmje, 9 shkurt, është njoftuar zyrtarisht se nuk i lejohet më.
KOK-u njoftoi se fillimisht federata ukrainase nuk kishte kërkuar autorizim; më pas, një përfaqësues i saj i komunikoi sportistit ndalimin. I njohur tashmë për qëndrimet e tij kundër luftës, në 2022-in tregoi pankartën “No War in Ukraine” në Pekin pa u sanksionuar, Heraskevych shpresonte për një leje të ngjashme. “Është e rëndësishme të nderosh dhe të tregosh çmimin e lirisë së Ukrainës”, tha ai.
“Është e padrejtë, shpjegoi vetë Heraskevych në një video në rrjetet sociale, dhe këta njerëz nuk duhet të na kishin lënë në një moshë kaq të re.”
Postimi i tij u shpërnda edhe nga presidenti ukrainas, Volodymyr Zelensky, i cili komentoi:
Kjo helmetë tregon portretet e sportistëve tanë që u vranë nga Rusia. Patinatori artistik Dmytro Sharpar, i vrarë në betejë pranë Bakhmutit; Yevhen Malyshev, biatlonist 19-vjeçar i vrarë nga pushtuesit pranë Kharkivit; dhe sportistë të tjerë ukrainas të cilëve jeta u mor nga lufta ruse. Falënderoj flamurtarin e kombëtares sonë në Lojërat Olimpike Dimërore, Vladyslav Heraskevych, për kujtimin që i bëri botës çmimit të luftës sonë. Kjo e vërtetë nuk mund të jetë e pakëndshme, e papërshtatshme ose të quhet “manifestim politik në një ngjarje sportive”. Është një kujtesë për të gjithë botën se çfarë është Rusia moderne.”
Artikulli përshtatur në shqip nga La Stampa
