Të flasësh për Covid-19, të japësh mend apo të kritikosh, po bëhet gjithë e më tepër si sport popullor në Shqipëri. E trishtueshme që figura publike bëhen promotorë të përhapjes së panikut. Kështu ka ndodhur sot gjatë ditës edhe me përgojimin e Elbasanit.
Siç duket edhe nga grafiku, qarku i Elbasanit ka një incidencë (raste pozitive për 1 milion banorë) nga më të ulëtat në Shqipëri. Mesatarja e vendit është 2230. Kështu, Elbasani është 3,6 herë më pak se Shqipëria apo 5,8 herë më pak se qarku i Tiranës që ka incidencën më të lartë.
Kjo nuk do të thotë që njerëzit në Elbasan duhet të ulin vigjilencën. Të vazhdojnë të ruajnë distancën, lajnë duart, mbajnë maskën në mjedise të mbyllura, shmangin grumbullimet përfshirë festa e gëzime familjare, ceremoni mortore e përkujtimore, plazhe, pishina, etj. Dhe të mbajnë kontakte të vazhdueshme me mjekun e familjes.
