Mesfushori i Juventusit, Paul Pogba, dëshiron të transferohet në Barcelonë. Lajmi bëhet i ditur nga e përditshmja sportive katalanase “Sport”, sipas së cilës ylli francez preferon transferimin në Camp Nou, përpara ndonjë prej klubeve tjera të interesuara për shërbimet e tij.
“Pogba dëshiron të luajë me Messin, është i pasionuar me projektin e klubit dhe tashmë e ka refuzuar Manchester Cityn”, shkruan “Sport”.
Barcelona nuk ka të drejtë të realizojë përforcime deri në janar të vitit të ardhshëm, për shkak të dënimit të FIFA-së.
