Ministrja e Shtetit për Marrëdhëniet me Parlamentin, Elisa Spiropali dhe ministrja e Shtetit për Standardet e Shërbimeve, Milva Ekonomi gjatë vizitës në SHBA, zhvilluan sot një takim në Washington D.C me zyrtarë të lartë të Shtëpisë së Bardhë.
Në takim ishin të pranishëm Adi Muzurovic, Drejtor për Ballkanin dhe Evropën Qendrore në Këshillin e Sigurisë Kombëtare (NSC), Theodore Nemeroff, Drejtor i Politikave Ndërkombëtare Kibernetike dhe Andrew Nacin, Këshilltar Special në Shtëpinë e Bardhë për pranimin e refugjatëve.
Ministrja informoi se, angazhimi i Shqipërisë në Samit, sulmet kibernetike të Iranit ndaj shërbimeve tona qeveritare, si dhe mbështetja e çmuar që ka dhënë SHBA në këtë fushë të sigurisë ishin në fokus të takimit.
Po ashtu, ajo theksoi se, në takim u diskutua mbi mikpritjen e solidaritetin shqiptar me refugjatët afganë dhe rolin e rëndësishëm që luan vendi ynë për stabilitetin dhe sigurinë e Ballkanit Perëndimor. E pranishme në këtë takim ishte edhe ambasadorja shqiptare në SHBA, Floreta Luli Faber.
/e.d
