Ministrja për Europën dhe Punët e Jashtme, Elisa Spiropali, ka zhvilluar takime në Athinë, aty ku ka zhvilluar një vizitë zyrtare së fundit, takime edhe me komunitetin shqiptar në Greqi.
Ajo ka shpërndarë në rrjetet sociale pamjet nga një darkë e organizuar me ta. Spiropali theksoi se shqiptarët e Greqisë përfaqësojnë një kapitull të gjallë të historisë moderne të Shqipërisë.
“Ku ka shqiptarë, ka zemër të mirë, ngrohtësi, atdhedashuri. Me shqiptarët e Greqisë, që përfaqësojnë një kapitull të gjallë të historisë moderne të Shqipërisë, në një pritje të veçantë kuqezi në zemër të Athinës. Krenare për këtë komunitet që me sakrificë, punë, ndershmëri, dinjitet ka ndërtuar jetën pa harruar rrënjët”, tha Spiropali.
Ajo u shpreh se qeveria shqiptare është e angazhuar për të arritur Marrëveshjen për Pensionet, për garantimin e të drejtave dhe rritjen e aksesit për shqiptarët që jetojnë e punojnë në shtetin fqinj.
Kujtojmë se Spiropali ka zhvilluar takime të ndryshme në Greqi. Gjatë konferencës së përbashkët për shtyp me homologun e saj grek, Giorgos Gerapetritis, u theksua se marrëdhëniet mes dy vendeve po hyjnë në një fazë të re bashkëpunimi.
Spiropali është takuar ndërkohë edhe me presidentin grek, Konstandinos Tasulas.
