E ftuar në “News 24” zëdhënësja e qeverisë, Elisa Spiropali ka thënë se ideatorët e djegies së mandateve të opozitës, janë Sali Berisha dhe Ilir Meta.
Sipas Spiropalit, Berisha dhe Meta kanë marrë vendimin për ta bërë lëmsh vendin
“Këtë vendim ,djegien e mandateve, Sali Berisha e ka bërë në koordinim të plotë me Presidentin. Lulzim Basha është dukshëm në një pozicion të vështirë. Shkurt: këta të dy kanë marrë vendimin për ta bërë lëmsh vendin. Basha është në pozicionin që nuk merr dot drejtim se nga të shkojë. Reforma në drejtësi i ka trembur kastat politike dhe ne nuk e kemi ndërmend të tërhiqemi. Nuk kemi ndërmend për të bërë hapa pas, se pse do të ishte hapa pas për vendin. Nuk do ta bëjmë kthimin pas, por do të shkojmë për të bërë ato ndryshime dhe t’i krijojmë vendin edhe për opozitën jashtëparlamentare dhe mos të ngrihen nga tavolina e reformës zgjedhore. Tani 2021 është afër. Të vijnë në tryezë, sepse nuk kemi ndërmend ndajmë pushtet e tava me ta. Ilir Meta nuk i përfaqëson të gjithë shqiptarët”-theksoi Spiropali.
Nga ana tjetër, ish-kreu i KQZ-së, Kristaq Kume u pyet nga Sokol Balla nëse duhet shkarkuar presidenti Meta apo jo, ai dha këtë përgjigje: “Këtë nuk e ka thënë as Venecia, jo më unë. Është se çfarë do të nxjerrin nga e gjithë kjo dhe na duhet domosdo dhe duhet të ndërtojmë rregulla për të ulur në karrige përfaqësuesit e njerëzve. Dy të mëdhenjtë të fillojnë urgjentisht nga puna për të bërë mirë atë që nuk e kemi bërë mirë”-tha ai./ I.M-Dritare.net
