Kompania kanadeze e naftës “Bankers Petroleum” dhe Agjencia Kombëtare e Burimeve Natyrore, më datë 14 shtator ranë dakord për një vlerësim të pavarur të vlerës së investimeve të kësaj kompanie.
Çështja e investimeve reale të realizuara nga “Bankers Petroleum” u bë disa vite që është bërë objekt kontestimi me shtetin shqiptar.
Në vitin 2004, kompania kanadeze kishte marrë një koncesion shfrytëzimi 25-vjeçar për zonën e naftës Patos – Marizë, zona më e madhe e naftës tokësore në Europë, dhe më vonë për zonën e Kuçovës.
Bankers, atëherë një kompani e vogël, kishte rimarrë të drejtat e koncesionit nga kompani më të rëndësishme si “Premier Oil” dhe austriaku “OMV”, gjë që i lejoi asaj të negocjojë me qeverinë shqiptare kontratë me klauzola tejet të favorshme.
Në emër të nevojës së transferimit të tekonologjive dhe të modernizimit të shfrytëzimit të naftës, qeveria hoqi dorë nga çdo kompensim, me përjashtim të taksës së përfitimeve. Por, përderisa kompania në fjalë mund të vërtetojë që investimet e saja tejkalojnë përfitimet, taksa nuk iu mblidhet.
Kjo nuk është e tëra! Duket që Bankers Petroleum, që është bërë ndërkohë një ndër kompanitë më të rëndësishme në Shqipëri, nuk ishte aq e prirur të deklaronte përfitimet e saja. Sipas shumë zërave kritikë, Bankers Petroleum kishte proceduar në transfertin fiktiv të fondeve në një filial off-shore, gjithnjë duke i deklaruar si investime të aktivitetit të saj kryesor. Kjo ia lejonte të evitonte pagimin e taksave, përfshirë këtu dhe në periudhat si në vitin 2009 ku realizonte përfitime me mbi 2 miliardë dollarë.
E pafuqishme të detyrojë kompaninë të paguajë taksat dhe të paguaj kompensime për shfrytëzimin e naftës, (që në fakt është arsyeja e një ndotjeje të madhe në zonat e qytetit të Fierit), qeveria si përfundim arriti të detyrojë një kompensim të dobët për shfrytëzimin e naftës në përqindje prej 10%. Por, çështja e taksave të papaguara është ende e pazgjidhur.
Pasi administrata fiskale shqiptare kishte kalkuluar se “Bankers” i detyrohej 50 milionë euro, koncesionari insistoi për një riestimacion “të pavarur”.
Qeveria, me duar të lidhur nga klauzolat jo të favorshme të kontratës, pranoi, duke hequr dorë nga mbikqyrja e pagesës së taksave mbi territorin shqiptar.
Ju rikujtojmë se, duke marrë parasysh të ardhurave mesatare të familjeve, Shqipëria është një prej pak vendeve me ccmimet më të larta në botë të benzinës dhe naftës.
Burimi: Courier des Balkans / Përgatiti A.Rada (javanews.al)
