Nga Spartak Ngjela
Vuçiç duket sikur po fiton ne Serbi. Si është kjo për ne?
Po shoh se po ka shumë përkrahje perëndimore. Sidomos gjermane.
Por…në fakt kanë vepruar në menyre drastike kundër Miloshevicit. E dërguan në Hagë si kriminel lufte. Ky ishte kushti për perspektivën e tyre perëndimore drejt Bashkimit Europian.
Serbët duan të hyjnë para nesh në Bashkimin Europian. Kjo është gara jonë e kohës. Po ne ku jemi?
“Edhe ju, kusht për BE, keni pasur neutralizimin kriminal të Sali Berishes dhe klanit te tij” – më tha miku im A. T. nga Gjermania.
Po kush ta realizonte këtë kusht: Meta dhe Rama?
Ka njëqind vjet që korrupsioni i degraduar politik shqiptar luan kundër shqiptarëve, prandaj sokëllin Saliu “rrembeni armet”, se e di që, që të gjithe të korruptuarit që drejtojnë, janë kundër shqiptarëve.
Por tani ka ardhur fundi.
Çfarë pret, zoti Rama, mos do që të vihesh edhe ti kusht? Vepro sa më shpejt me Reformen në Drejtesi, se nuk eshte “qesharak” Saliu në thirrjen e tij, por një bandit antishqiptar që urren shqiptarët.
Leri “nenet zbutës” për Saliun, por, fute që këtë javë draftin e Reformës në Parlament!… se çdo zvarritje, nuk është më shume kunder shqiptarëve, sesa kunder teje.
Koha, tani e më tej, nuk është më e korrupsionit politik shqiptar, por e vetë shqiptarëve.
