Spartak Braho rikthehet në Parlament. Komisioni Qëndror i Zgjedhjeve i ka dhënë mandatin e deputetit në mbledhjen e zhvilluar këtë të premte.
Ai zë vendin e Saimir Tahirit i cili u dorëhoq për të dalë para drejtësisë si njeri i thjeshtë siç tha ai.
Braho ishte i 19-ti në listën shumëemërore të Partisë Socialiste për qarkun e Tiranës. Ai prej disa kohësh ushtronte detyrën e këshilltarit të kryeministrit për marrëdhëniet me parlamentin.
Fillimisht pati një farë hezitimi nga Braho, por më pa ai vendosi të pranojë mandatin e deputetit.
Pak para vendimit te KQZ, Braho deklaroi se perderisa Berisha është në parlament, do shkojë dhe ai.
“Pa dyshim që do ta pranoj. Nuk kam arsye pse të mos e pranoj. Kam që në vitin 1996 që jam prezent në listat e deputetëve të Partisë Socialiste dhe deputet i saj në dy legjislaturat e fundit. Kam patur dilema në fillim, por sa kohë që aty qëndron Sali Berisha, pse të mos shkoj dhe unë”, u shpreh Braho.
/a.m.
