SPAK ka vendosur të rihap dosjen e vrasjes se kryepolicit të Shkodrës, Arben Zylyftari. Rihapja e hetimeve vjen me kërkesë të të dënuarve për vrasjen e tij, vëllezërve Admir dhe Genc Tafili. Admir Tafili është dënuar me burgim të përjetshëm, ndërsa Genc Tafili, i liruar me kusht nga ish gjyqtarja e Krujës Enkelejda Hoxha, ndërsa sot është ende në kërkim nga drejtësia.
SPAK rihap hetimet pasi nga palët në këtë proces ka pretendime se ngjarja është e pazbardhur dhe e manipuluar. Pritet që SPAK të rinisë rimarrjen në pyetje të personave të cilët kanë dijeni për ngjarjen.
Burime pranë SPAK bënë me dije për Report Tv se këtë premte është ftuar në SPAK për deklarime Sokol Kociu ish zyrtari i lartë i policisë i cili deklarime i ka dhënë si avokat i Admir Tafilit. Po ashtu SPAK sqaroi se për këtë ngjarje ka patur mbi dhjetëra kërkesa për ta rihetuar nga vetë Admir Tafili i cili e mohon të ketë lidhje me krimin.
Kryepolicit i Shkodrës, Arben Zylyftari u vra në 2000 në krye të detyrës me një breshëri plumbash automatiku gjatë drejtimit të një operacioni kundër dy personave të kërkuar.
Operacioni po zhvillohej gjatë një kontrolli për armë në liqenin e Shkodrës, kur policia ka rënë në gjurmë të një personi shumë të kërkuar, por u has me breshëri plumbash prej tyre. Perosnat që kanë shtënë ishin Behar Tafili dhe djali i tij Admir Tafili, ku gjatë të shtënave u vra jo vetëm kryepolici i Shkodrës Zylyuftari por edhe Behar Tafili.
Për ngjarjen policia ka arerstuar Adrmit Tafilin i dënuar meburg përjetë dhe Genc Tafilit. Më pas Genc Tafili u lirua nga burgu me kusht nga gjyqtarja Enkelejda Hoxha. Por Gjykata e Apelitkërkoi sërisht arrestimin e tij, por sot e kesaj dite ai vijon të jetë në kërkim.
Kush është Genc Tafili? Genc Tafili, vëllai i Admir Tafilit, të dy emra shumë të njohur për drejtësinë shqiptare, të akuzuar dhe dënuar për disa vepra penale u lirua më 7 nëntor të 2017. Genc Tafili është me kusht nga gjykata e Krujës nga gjyqtarja Enkeleda Hoxha, pasi kreu 17 vite burg.
Genc Tafili me vëllanë, Admir Tafilin akuzohen dhe u dënuan për vrasjen e komisarit të policisë Arben Zylyftarit. Genc Tafili kreu 17 vite burg nga 25 që u dënua për vrasjen e Arben Zylyftarit në vitin 2000 gjatë një shkëmbimi zjarri, ku humbi jetën edhe babai i vëllezërve Tafili, Bahri Tafili./m.j
