Prokuroria e Posaçme ka deklaruar sot se disponon kontratën origjinale të koncesionit të sterilizimit.
Në një sqarim për mediat, dy ditë pas publikimit të lajmit se kontrata origjinale nuk ekziston, SPAK thotë se e disponon kontratën origjinale e cila figuron në disa institucione.
Në fakt ishte Sali Berisha ai që përhapi lajmin se kontrata është zhdukur nga kasaforta e ish-ministrit Ilir Beqja.
“Zhdukja e origjinalit të kontratës së sterilizimit, por dhe kontratave të tjera nga kasaforta e ministrit, është një akt kriminal i shëmtuar, i ngjashëm me atë të një vrasësi, që për të fshehur vrasjen dhe zhdukur gjurmët e krimit të vet, djeg kufomën e viktimës së tij. Me zhdukjen e kontratës origjinale dhe zëvendësimin e saj me një kontratë të falsifikuar, Beqja kërkon të fsheh të gjitha klauzolat e kontratës, në të cilat është bazuar vjedhja e hapur e parave publike nga koncesionari i tij.” – deklaronte Sali Berisha pak ditë më parë duke ushqyer opinionin publik dhe mediat me fantazitë e tij.
javanews/ a.r
