Pas denoncimit të kryetares së Lëvizjes Socialiste për Integrim, Monika Kryemadhi në lidhje me evazionin fiskal me inceneratorët, SPAK thotë se po kryhen të gjitha veprimet e nevojshme. Burime për gazetarin e Report Tv, Arsen Rusta bëjnë me dije se LSI akoma nuk ka depozituar në prokurori asnjë material që u publikua një ditë më parë nga kryetarja e kësja forcë politike dhe në rast se do të dërgohen, do të administrohet në çështjen që është ende në hetim.
Ndalur tek hetimet e SPAK, inceneratori i Tiranës është ende nën hetim. SPAK po kryen hetimet e nevojshme, mes të cilave përfshihet edhe marrja në pyetje e dy të moshuarve të cilët rezultojnë pronar pa dijeninë e tyre.
Kryemadhi tha një ditë më parë se janë disa kompani, që së bashku, kanë kryer evazion fiskal në vlera të mëdha parash. Mes të tjerash, kryetarja e LSI tregoi rastin kur një çift 94 dhe 95 vjeç kanë blerë një biznes 30 milionë dollarë.
g.kosovari
