Sali Berisha duket se është trembur pasi Kuvendi vendosi që të mblidhet për mandatin e tij në 18 Dhjetor. Edhe pse deklaroi se do t’i bindej vendimit që të mos kishte mbrotje, ai ka nisur qysh sonte sulmet kundër SPAK dhe jo vetëm.
Një ankesë publike ka kreu i Rithemelimit sot: Përse nuk e lejnë të dalë jashtë shtetit. Edhe pse ka rreth 10 vite që nuk udhëton askund përvecse në Azerbajxhan si ish-kryetar i PD dhe Gjermani për arsye familjare…
Një vegël të verbër në duart e partisë shtet, e ka cilësuar Sali Berisha Prokurorinë e Posaçme kundër krimit dhe korrupsionit. Nga studio e Ditarit në A2 CNN, Berisha e akuzoi SPAK-un se kërkon të barazojë Shqipërinë me Rusinë e Putinit që ka liderin e opozitës të dënuar apo me juntën e Mianmarit. Sipas tij kjo është dëshmi e një narkoregjimi.
“SPAK, një vegël e verbër në duart e partisë shtet, Edi Ramës. Zbatoi urdhrin dhe në këtë kontekst nuk ka asgjë të re. Prokuroria politike kërkon autorizim për të arrestuar liderin e opozitës, kërkon autorizim për të barazuar Shqipërinë me Rusinë e Putinit që ka liderin opozitar të dënuar, me juntën e Mianmar, Lukashenkon dhe Ugandën. Kjo është dëshmi e asaj që kemi denoncuar çdo ditë e diktature bane e një narkoregjimi të vendosur në Shqipëri”.
Berisha i referohet kushtetutës që askujt nuk i mohohet e drejta për të dalë jashtë shtetit.
“”Po kushtetuta ka një nen 38 që e garanton këtë në grupin e të drejtave dhe lirive themelore të njeriut. Ky nen siguron qytetarët që e drejta doli. Askush nuk mund të pengohet të dalë lirisht jashtë shtetit. Ky nene lirinë e daljes jashtë shtetit e konsideron pjesë thelbësore të lirisë së njeriut. Deputeti nuk mund të arrestohet ose ti hiqet liria ndaj çfarëdo lloj forme, askush nuk mund të pengohet të dalë jashtë shtetit është liri personale kurse në rastin e deputeti kjo liri nuk mund të hiqet”.
/javanews/ a.rada
