Prokuroria e Posaçme kundër Korrupsionit dhe Krimit të Organizuar (SPAK) ka pezulluar ditën e sotme veprimtarinë e disa kompanive të lidhura me Inceneratorët.
Kompanitë e para që janë pezulluar me vendim të SPAK janë Frogy 03 në emër të Vladimir Sheshit, Froggy në emër të Enis Xhaferrit dhe Regan Merdani dhe Best servis në emër të Edmond Sheshit.
Vendimi i SPAK vjen disa ditë pas denoncimeve të njëpasnjëshme të bëra nga Lëvizja Socialiste për Integrim në lidhje me skandalin e inceneratorëve.
Bëhet fjalë për kompanitë fiktive të regjistruar për menaxhimin e mbetjeve duke falsifikuar firmat e disa të moshuarve që jetojnë në kushte të vështira ekonomike apo që kanë ndërruar jetë.
Rasti më i fundit ishte ai i denoncuar një ditë më parë ku Kompanitë e përfshira në skemën e evazionit fiskal, kanë përdorur firmën e Gjyste Serrmit, e cila ka ndërruar jetë 5 vite më parë.
g.kosovari
