Në një reagim të sotëm, SPAK ka konfirmuar zyrtarisht se shtetasi që ka denoncuar kryebashkiakun e Tiranës, Erion Veliaj, nuk ekziston. Ky fakt u bë i ditur dje nga vetë Veliaj, i cili tha se shtetasi në fjalë nuk ekziston, çka tashmë është konfirmuar edhe nga vetë SPAK.
“Informacioni për referimin e veprës penale mori shkas nga një kallëzim i bërë nga shtetasi i vetëidentifikuar si N.A.”, shkruan SPAK në deklaratën e sotme për median, duke pranuar se ky shtetas është vetëdeklaruar me emrin N.A (Nesti Angoni).
