Nga Ylli Pata
Arrestimi i kryebashkiakut të Tiranës, po përdoret si trofe politik, por i tillë është dhe është përdorur edhe para se të merrej vendimi i sotëm.
Nuk është aspak tabu në një vend të shtetit të së drejtës që të arrestohet një zyrtar në detyrë, e më pas ai të rikthehet në politikë siç është Rod Blagojevich, që mban nofkën Blago. Ish-Guvernatori i Ilinoisit në SHBA, mik i ngushtë dikur me Barack Obamën, e sot njeriu i fushatës së fundit të Donald Trump. i cili e pati si çelsin e suksesit për voën e emgrantëve serbë në Wisconsini dhe Pensilvania në zgjedhjet e fundit në SHBA.
I arrestuar edhe i dënuar për korrupsion në zyrë, Blagoja, është si Mineforti që sot ishte në krah të kryestrategut të Sali Berishës për fushatën e zgjedhjeve të 11 majit.
Por ky është muhabet tjetër. Veliaj nuk u arrestua për abuzim në zyrë, nuk akuzohet por për modelin e hetimit të pasurisë që është zbatuar mbi rastin Ahmetaj, rastin Partizani e rastin Meta. Ndër ta vetëm ky i fundit ndodhet në burg, pas një periudhe të gjatë shantzhi ndaj SPAK.
Ndërkohë, Sali Berisha, i cili gjithashtu një hetim pasuie, vetëm për rastin e kullave t ëish-klubit Partizani është i lirë e mund të hedhë akuza e të japë urdhëra ngado.
Sot ai tha se “SPAK mbetet një organizatë kriminale, por arrestimi i Veliajt ndodhi falë nesh”.
Një atu politike që në fakt Sali Berisha e ka bërë me fjalë dhe me shkresa për të gjitha arrestimet që kanë ndodhur nga SPAK në drejtim të zyrtarëve të Partisë Socialiste.
E mbani mend vitin 2017, kur Lulzim Basha i bëri thirrje Lulzim Bashës të arrestojë Saimir Tahirin. Dhe menjëherë Adriatik Llalla çoi në Kuvend kërkesën për arrest?
Ndërkohë nga ana tjetër nuk ka ardhur asnjë kërkesë përveç janë dërguar në SPAK, letrat siç i ka dërguar edhe LSI edhe PD. Në momentin kur hetimet po zhvilloheshin, është kërkuar që të arrestohet i hetuari.
Këtu jemi totalisht në një fushë politike, që nga sot, socialistët mund të kërkojnë: arrestimin e Sali Berishës për 21 janarit, të Fatmir Mediut për Gërdecin, e të gjithë të akuzuarve për korrupsion. Është një rrugë absurde por duket qartë se hetimet as nuk nisen nga denoncimet apo apriori por nga qëndrimet politike. Sipas gjasave, ngaqë PS e ka zgjedhur si standard të mbrojë zyrtarët e saj nën hetim, do të përcaktojë një axhendë homologe që të kërkojë zyrtarët që duhen arrestuar. Ditë për ditë, gjatë gjithë fushatës.
