SPAK ose Prokuroria e Posaçme kundër Korrupsionit dhe Krimit të Organizuar ka bërë bilancin e materialeve që janë referuar për hetim lidhur veprat penale të zgjedhjeve.
Në periudhën Mars – Prill 2021 janë paraqitur 91 materiale të tilla nga subjekte politike, persona të ndryshëm dhe policia gjyqësore në Drejtoritë Vendore të Policisë Shtetit.
Më konkretisht, Partia Demokratike mban numrin më të lartë sa i përket kallëzimeve për krime zgjedhore me 50 raste të tilla, LSI 3 kallëzime, PS 1 dhe FRD 1 rast.
Ndërsa policia gjyqësore ka referuar 10 raste, prokuroritë e rretheve dhe persona të ndryshëm nga 4 raste secila dhe Presidenti 18 kallëzime.
Nga 91 materialet e referuara, SPAK ka regjistruar 32 procedime penale për të cilat vazhdon hetimi, për 7 raste është vendosur mosfillimi i hetimeve, 15 raste janë dërguar për verifikim në Policinë e Shtetit, 23 raste u janë dërguar për kompetencë prokurorive të rretheve dhe 14 raste të tjera janë në proces verifikimi.
/a.r
