Kreu i Aleancës Kuqezi është shfaqur për herë të parë pas mbylljes së çadrës.
Para mediave, Kreshnik Spahiu tha se Basha i kishte dhënë besën për ta përfshirë në listat e PD, ndërsa sot nuk ka ende një përgjigje.
Kreu i AK u shpreh se nëse brenda 60 minutash Lulzim Basha nuk e përfshin në listë të sigurt, atij do t’i duhet të dorëhiqet pasi u doli qindra aktivistëve të tij garant.
Pjesë nga fjala e Kreshnik Spahiut:
Kemi qenë në një betejë ku kishim tre marrëveshje. E para ishte ajo e Republikës së Re duke përmbysur Edi Ramën si kryeministër. E dyta erdhi si pasojë e një krizë të rëndë mes Bashës dhe Ramës, e cila i hoqi mundësinë partive për t’u regjistruar në zgjedhje. Dhe kemi një marrëveshje të tretë që ne si parti opozitare firmosëm të mos regjistrohemi në KQZ nën premtimin e Bashës se do të përfaqësohemi në listat e PD.
Pra duke ndjekur një taktikë elektorale, duke u grupuar nën logon e Partisë Demokratike. Që nga ajo ditë, unë nuk e kam konsideruar si Pazar të gjëse së gjallë listën sepse kam qenë nën garancinë i cili lidhi besën me kuqezinjtë në çadër për 90 ditë. Ju keni qenë dëshmitarë që kuqezinjtë ishin boshti i kauzës. Por edhe në besëlidhjen e zotit Basha që të gjithë ne do përfshiheshim në lista sepse po vetësakrifikoheshim. Kam pasur një bisedë me liderin e PD për të cilën nuk kemi rënë dakord. Kemi parashtruar disa parime të cilat unë nuk mund t’i tradhtoj përballë njerëzve që më kanë ndjekur për 6 vite në protestat kundër PS dhe PD.
Kemi rënë dakord që pretendimet e Aleancës Kuqezi, Basha ti konsultojë me kolegët e tij dhe ne këtë situatë të vështirë ta kapërcejmë dhe PD ta diskutojë brenda 60 minutash me kryesinë. Po kalojmë një situatë të vështirë sepse unë futa qindra aktivistë nën besën e Bashës se në luftë do të shkonim sëbashku dhe do të ishim të pandarë. Mbetem i mendimit se në këto 60 minuta do të reflektohet. Përndryshe do jap dorëheqjen dhe do tërhiqem nga politika.
/javanews/b.d
