Derisa Stoke City po lufton për mbijetesë, klubet tjera të Premier Ligës janë duke monitoruar situatën e lojtarëve të këtij klubi për transferimin e tyre në rast se humb luftën për të qenë pjesë e elitës angleze.
Mark Hughes, i cili e transferoi Xherdan Shaqirin nga Interi në vitin 2015, është duke shikuar transferimin e anësorit shqiptar, por tani te Southamptoni, pasi së fundmi ka marrë detyrën e menaxherit te ky klub.Daily Star raporton se Hughes e admiron Shaqirin dhe është i gatshëm t’i ofrojë 15 milionë euro për shërbimet e tij.
Me shtatë gola të realizuar gjatë këtij sezoni, Shaqiri njihet si lojtari që i mungon Southamptonit në sulm për shkak të shpejtësisë dhe teknikës që posedon, përgatiti Koha. (b.an)
