Gjykata e Apelit në Durrës ka nisur ditën e sotme seancën për rivlerësimin e masës së sigurisë për biznesmenin Orest Sota, të cilit policia i gjeti në makinë 863 mijë euro, dhe patentat e ish-ministrit të Brendshëm, Saimir Tahiri.
Sota nuk është paraqitur në këtë seancë, por është përfaqësuar nga avokati i tij. Ai akuzohet për “drejtim mjeti pa patentë” dhe “mosbindje ndaj urdhrit të policisë”.
Në seancën e sotme, Prokurori kërkoi trasferimin e çështjes nga Gjykata e Elbasanit tek ajo për Krime të Rënda, por kërkesa nuk u pranua nga trupi gjykues. Kujtojmë se ditën e djeshme Gjykata e Krimeve të Rënda caktoi masën e sigurisë “arrest me burg” për Orest Sotën, për sasinë e parave që i janë bllokuar.
