Presidenti i SHBA-së, Donald Trump sapo ka mbërritur në Finlandë, së bashku me Zonjën e Parë, Melanie Trrump.
Sot, pritet që, Trump të takohet me presidentin e Rusisë, Vladimir Putin, duke i dhënë fund kështu edhe turneut të trazuar evropian .
Trump tha se kishte “shpresa të pakta” përpara bisedimeve në kryeqytetin finlandez, Helsinki, por shtoi se “ndoshta disa të mira” do të vinin prej tyre. Samiti vjen pasi, 12 rusë u akuzuan për ndërhyrje në zgjedhjet e vitit 2016 në SHBA. Ndërkohë Trump u shpreh se do ta shqyrtojë këtë çështje, por ende nuk e ka në agjendën zyrtare.
Të dy liderët do të takohen vetëm për vetëm, bashkë me një përkthyes.
Ka pasur aludime në SHBA për Trump se do ta anulonte takimin, pas akuzave të agjentëve të zbulimit ushtarak rus.
Por takimi u konfirmua edhe një herë nga Shtëpia e Bardhë, dhe sot do të mbahet.
a.ç
