Manchester City do të presë Paris SG sot në “derbin e sheikëve”, pas barazimit 2-2 në Francë të mërkurën e kaluar. E përditshmja franceze L’Equipe hapet me titullin e madh “Sot ose kurrë”, ndoshta jo aq për ekipin francez se sa për yllin Zlatan Ibrahimoviç, për të cilin mund të jetë shansi i fundit për të fituar trofeun evropian, duke pasur parasysh moshën e tij.
Në Spanjë, Real Madrid duhet të arrijë përmbysjen kundër Wolfsburgut. Në Gjermani u mund pastër 0-2, por lojtarët madrilenë kanë shpallur luftë, duke thënë se do ta përmbysin. Dy të përdtishmet sportive Marca e AS i bëjnë jehonë misionit.
“Po, mundet”, shkruan Marca për kualifikimin e Realit, ndërsa AS del me titullin e madh “Kjo është nata e përmbysjes”.
Për t’u theksuar se Real Madrid nuk përmbys humbjet me dy gola diferencë që më 1987, kundër Crvena Zvezdës, kur fitoi 2-0 në Madrid pasi ishte mundur 4-2 në Beograd.
