Kuvendi i Shqipërisë do të mblidhet sërish ditën e sotme, edhe pse disa ditë më parë u vendos që si pjesë e masave anti-COVID, deputetët dhe ministrat nuk do të mblidhen në një afat të pacaktuar.
Megjithatë disa deputetë kanë kërkuar interpelancë me kryeministrin Edi Rama dhe me ministren e Shëndetësisë, Ogerta Manastirliu, duke bërë që Komiteti Teknik i Ekspertëve të japë leje që Kuvendi të mblidhet sërish.
Siç edhe është parashikuar në rendin e ditës Rama do të duhet t’u japë përgjigjie pyetjeve të opozitarit Ralf Gjoni. Pas tyre një interpelancë do të zhvillohet mes deputetëve të tjerë dhe ministres së Shëndetësisëlidhur me situatën në vend. Ndërkohë po ashtu në rendin e ditës është edhe dekreti i presidentit Ilir Meta lidhur me kthimin për rishqyrtim të ligjit “për gjendjen civile”, i cili pritet që të hidhet poshtë sot nga deputetët.
g.kosovari
