Mazhoranca dhe opozita e re parlamentare do te jene sot ne seance plenare, ku pritet te betohen edhe deputete te rinj, ndersa PD- LSI do te protestojne. E njejta skeme që prej muajit shkurt. Seanca parlamentare pritet të nisë në orën 10:00, ndërsa protesta e thirrur nga PD- LSI do të nisë në orën 9:30.
Opozita ka paralajmëruar protesta sa herë të ketë seancë plenare për të kërkuar dorëheqjen e kryeministrit Edi Rama dhe një qeveri tranzitore që do të përgatisë vendin për zgjedhje të parakohshme të lira dhe të ndershme që do i hapnin rrugën Shqipërisë drejt integrimit.
Nga 16 shkurti opozita ka organizuar 7 protesta para Kryeministrisë dhe parlamentit. E fundit ishte më 28 mars. Opozita ka djegur mandatet parlamentare, një pjesë e të cilave janë zëvendësuar nga deputetë të rinj, kandidatë të listave të PD dhe LSI të 2017.
/a.meta
