Hëna do të jetë më afër Tokës në orën 14:52, por për syrin e zbuluar fenomeni duket më mirë në netët para dhe pas, pra mbëmjen e djeshme dhe atë të sotmen.
Viti 2016 ka tre të ashtuquajtura Super Hëna, por kjo e sotmja është distanca më e afërt që prej 68 vjetësh dhe sateliti nuk do të jetë kaq afër Tokës deri më 25 nëntor 2034.
Për shkak të ndriçimit, mund të shihen më mirë edhe Plejadat, të ashtuquajturat Shtatë Motrat, yje të ndritshëm në konstelacionin e Demit.
Ndërkaq, nisur nga fakti që ndryshimi i madhësisë së Hënës është pothuajse i padukshëm për syrin e thjeshtë, astrofiziani dhe kozmologu i famshëm Neil de Grasse Tyson ka dalë kundër entuziazmit të tepruar mediatik.
“Nuk e di se kush ishte i pari që e ka quajtur Super Hënë. Nëse ke një pica 16 inç (40.6 cm), a do ta quanit Super Pica, krahasuar me një pica 15 inç (38.1 cm)?”, thotë drejtori i Hayden Planetarium në New York për Radio StarTalk.
d.i.
Sot është Super Hëna, më pranë Tokës se kurrë në 68 vjet
