Partia Demokratike pritet të zhvillojë mbrëmjen e sotme festën e 25-vjetorit të themelimit të saj, ndërkohë që të ftuarit përbëjnë edhe surprizën.
Pavarësisht konflikteve të pafundme mes opozitës dhe mazhorancës, Partia Demokratike ka ftuar zyrtarisht edhe kundërshtarët e saj.
Mësohet se të ftuar janë kreu i PS Edi Rama, ai i LSI Ilir Meta, por dhe kryetari i fraksionit të dalë nga PD, Bamir Topi.
Ndër të ftuarit janë edhe dy ish-aleatët e demokratëve Shpëtim Idrizi dhe Nard Ndoka. Nga ana tjetër, nga ftesat nuk janë përjashtuar as Kreshnik Spahiu dhe Vangjel Dule. Mbrëmja e sotme pritet të konfirmojë nëse të sipërpërmendurit do të marrin pjesë, ndërkohë që fjalën kryesore të festës do ta mbajë Lulzim Basha.
