Ambasadori i BE në Shqipëri, Luigi Soreca gjatë takimit për nënshkrimin e marrëveshjes financiare IPA 2018, është shprehur se në tetor mund të thuhet një fjalë e mirë për të ardhmen e Shqipërisë
“Në tetor mund të thuhet një fjalë e mirë për të ardhmen e Shqipërisë. E rëndësishme është prania e Tusk këtu. Nënshkrimi i kësaj marrëveshje vjen në një moment të rëndësishëm. Besoj se Shqipëria ka pasur një ecuri shumë të mirë.
Topi kalon në kampin e Këshillit Europian. Jemi në një moment shumë të rëndësishëm, reforma në drejtësi do të sjelli ndryshime të forta.
Implementimi i plotë i reformës do të vijojë, pasi është e ardhmja e Shqipërisë. Javët dhe muajt e ardhshëm do të jenë thelbësore për vendin, pasi do të ngrihet SPAK dhe byroja”, deklaroi ambasadori i BE-së në Tiranë Luigi Soreca.
g.kosovari
