Ambasadori i Bashkimit Europian Luigi Soreca, ka deklaruar se lufta kundër korrupsionit në Shqipëri ngelet prioritet kyç.
Ai shprehet se BE mbështet iniciativën e organeve përkatëse për të ndërhyrë në administratën publike duke theksuar se kërkonet vullnet politik.
Këto deklarata ambasadori i bëri mesditën e kësaj të hënë gjatë një aktiviteti të përurimit të sistemit të deklarimit të pasurive.
Diplomati i lartë në vendin tonë nënvizon se korrupsioni ul reputacionin e Shqipërisë.
“Lufta kundër korrupsionit është e një rëndësie thelbësore për të gjithë qytetarët e Shqipërisë, por edhe për zhvillimin ekonomik të vendit.
Kostoja ekonomike e korrupsionit është e madhe, por kostot e shoqërisë janë më të mëdha.
Korrupsioni ka ndikim në funksionimin e administratës dhe në shërbimet që ofrohen. Por ka edhe një efekt shkatërrues për ekonominë e vendit. Kjo do të thotë më pak shkolla, më pak spitale më pak punë.
Shfarosja e korrupsionit është një përpjekje komplekse. Kryesisht është sfidë për qytetarët dhe institucionet, por jo vetëm.
Ne qëndrojmë të bashkuar kundër korrupsionit dhe ndajmë barrën e kësaj lufte.
Kjo luftë kërkon vullnetin politik të autoriteteve përgjegjëse dhe përkatëse ne vend. Këto autoritete janë marrësit e parë të këtij mesazhi nga BE.
Ajo që duket qartë nga korrupsioni është që në fund të fundit ata që janë më të ekspozuar janë qytetarë e thjeshtë, që nga studentët apo biznesmenët.
Lufta kundër korrupsionit është një nga prioritetet kyçe për Shqipërinë për të ecur drejt BE”, nenvizon Soreca.
Ambasadori deklaroi se jemi këtu që të mbështesim Shqipërinë në luftën kundër Korrupsionit.
“Komisioni Europian është drejt përfundimit të raportit 2019 ku do të pasqyrohet lufta ndaj korrupsionit. Media dhe shoqëria civile duhet të ndihmojnë në luftën kundër korrupsionit“, u shpreh Soreca.
g.kosovari
