Sipas rezultateve të anketës në portalin “Politiko” rreth 61 % e votuesve në SHBA kanë vlerësuar se presidenti Donald Trump nuk ishte i gatshëm për ballafaqimin me krizën shëndetësore të shkaktuar nga COVID-19.
Sipas anketës 14 % e të anketuarve kanë deklaruar se Trumpi ka qenë “shumë i papërgatitur” për ballafaqimin me krizën, 15 % se ishte “pjesërisht i papërgatitur”,14 % se ishte “shumë i përgatitur”, ndërsa 18 % se ishte “pjesërisht i përgatitur”: përgjigjet e të anketuarve varen kryesisht nga orientimi i tyre politik.
Kështu që 63 % e mbështetësve të Partisë Republikane deklaruan se Trumpi ishte gati, ndërsa 85 % e votuesve të Partisë Demokrate thonë të kundërtën.
Rezultatet e anketës tregojnë se votuesit që nuk janë mbështetës të asnjë partie kanë vlerësuar se Trumpi nuk ka qenë i përgatitur për krizën 65 %, ndërsa 26 % thanë që ai ishte i gatshëm, dhe vetëm 8 % thanë që ai ishte shumë i gatshëm.
Anketa është realizuar në fund të marsit dhe është parashtruar pyetja për punën e Kongresit gjatë pandemisë. Vetëm 28 % e të anketuarve deklaruan se Kongresi është gati për krizën, ndërsa 62 % deklaruan se nuk është.
Ndërsa në pyetjen se nëse Trumpi e kryen mirë funksionin presidencial, pozitivisht janë shprehu 45 %e të anketuarve, ndërsa 52 % janë përgjigjur negativisht.
Në SHBA deri më tani janë regjistruar 215 357 persona të infektuar me COVID-19, prej të cilëve 5 133 kanë vdekur, ndërsa janë shëruar 8 878 persona.
/a.r
