Gati 94% e qytetarëve të Tiranës të pyetur nga instituti italian Piepoli, në sondazhin e Report Tv për procesin parazgjedhor, janë gati të marrin pjesë në zgjedhjet lokale që do të mbahen më 14 maj.
Por duke pasur parasysh se në listat zgjedhore të Shqipërisë një përqindje e madhe janë emigrantë rezidentë të përhershëm në botë, atëherë një projeksion i Institutit Piepoli parashikon që në zgjedhje në Tiranë të marrin pjesë mbi 60% e qytetarëve (60% deri në 64%).
Qytetarët e pyetur nëse do të shkojnë që të votojnë në zgjedhjet vendore, 86% janë përgjigjur ‘sigurisht që po’; ‘ndoshta po’ 8%; ‘ndoshta jo’ janë përgjigjur 2%; ‘sigurisht jo’ 2% dhe ‘nuk e di akoma’ 2%.
