Javanews/Teksa zgjedhjet për Presidentin e ardhëm të SHBA-ve janë ende disa muaj larg, vëmendja po përqendrohet në atë që pritet të jetë beteja e nëntorit, ajo mes Hillary Clinton dhe Donald Trump. Sipas një sondazhi të kryer nga NBC/ SurveyMonkey rezulton se 6 në 10 persona nuk i pëlqejnë ose më keq akoma, i urrejnë dy kandidatët potencialë për të qenë në krye të SHBA-ve.
4 në 10 persona thanë se e “admirojnë” ose “pëlqejnë” Hillary Clinton ndërsa 36% e tyre thanë të njëjtën për Trump. Deri më tani sipas sondazhit rezulton se Clinton është para Trump me vetëm 4 pikë përqindje, 47% nga 43% të Trump.
Por kush i pëlqen dhe urren këta kandidatë sipas demografisë:
Clinton mbetet më e pëlqyera nga femrat duke rritur numrat e saj nga 15 në 18 pikë. Trump rezulton të jetë me i pëlqyer nga meshkujt duke dalë sipër Clinton me 10 pikë (ose 51% në krahasim me 41% e Clinton)
Qytetarët me ngjyrë, që tradicionalisht votojmë për Partinë Demokratike mbështesin dukshëm Clinton me 88% të votave, përkundrejt 6% të Trump.
Një tjetër grup me miliona amerikanë, hispanikët, mbështesin dukshëm kandidaten demokrate ( 64% në krahasim me 29% të Trump). 
Kush janë arsyet që njerëzit mbështesin kandidatët
Sipas sondazhit të NBC, u zbulua se të paktën 1/3 e mbështetësve ( ose 3 në 10 persona) të dy kandidatëve vjen për shkak se janë kundër njërit kandidat. Pra Clinton mbështetet sepse njerëzit janë kundër Trump dhe e anasjellta… një logjikë kjo e “së keqes më të vogël” që funksionon edhe në vendin tonë.
Pse e mbështesin Trump-in
Edhe pse Trump akuzohet nga media, kundërshtarët dhe thuajse një botë e tërë për politikat e tij, del se 31% e mbështetësve të tij janë të tillë sepse besojnë se ato që ai thotë janë të domosdoshme për tu bërë. Pra kanë besim se çështjet që Trump ka ngritur janë një arsye e mjaftueshme për ta votuar atë. 1/ 4 mendojnë gjithashtu se aftësitë e tij në drejtimin e vendit janë të rëndësishme, por më pak se 1 në 10 persona mendon se arsyeja për të zgjedhur atë, është për shkak se ai vjen si kandidati i Republikanëve.
Pse e mbështesin Hillary Clinton-in
30% e mbështetësve të Clinton thonë se eksperienca është arma e saj më e fortë dhe arsyeja se përse ata e mbështesin.
*Sondazhi i NBC/ Survey Monkey Ëeekly Election Tracking Poll u bë online gjatë periudhës 16 deri më 22 maj dhe ka patur një kampion prej 16,710 qytetarësh nga mosha 18 e sipër. Marzhi i gabimit është plus minus 1.0 pikë përqindje. Për më shumë të dhëna klikoni KËTU
Javanews/ a.k
