Hillary Clinton duket se ka përfituar nga debati i së hënës kundër Donald Trump, sipas sondazheve të zhvilluara, ndërkohë që republikanët premtojnë më shumë agresivitet në raundin tjetër.
Ndërkohë që Donald Trump, në shtator, besonte se e kishte fshirë avantazhin e rivales së tij, kjo e fundit arrin 44 për qind të pëlqimeve, kundër 41 të kandidatit republikan dhe 7,3 për qind ndaj kandidatit të pavarur, Gary Johnson.
Në 11 sondazhet e zhvilluara në shtete kryesore pas debatit të së hënës në mbrëmje, të ndjekur nga 84 milionë persona, të gjitha jepnin kandidaten demokrate në avantazh, por kjo nuk do të thotë se presidencialet janë garantuar, pasi ka ende shumë rrugë për të bërë./a.m.
