Nga Eduard Zaloshnja
Nga një sondazh elektronik me 1090 të anketuar (maksimumi i marzhit të gabimit statistikor +/- 3.1%), që zhvillova në 24 orët e fundit në qarqet Tiranë e Durrës (ku përfshihen 8 Bashki) mbi situatën ekonomiko-politike (të komisionuar nga revista Follow Business Albania), më rezultoi se mbi 35% e banorëve të rritur nuk kanë gjasa të votojnë sot (nëse zhvillohen zgjedhje paralmentare). Për krahsim, në zgjedhjet e 2013-ës (kur ndodhi rrotacioni i fundit i pushtetit), vetëm 21% e banorëve të rritur të këtyre dy qarqeve nuk morrën pjesë në votim (shihni grafikun shoqërues).
Ndër ata që kanë gjasa të votojnë sot (nëse zhvillohen zgjedhje paralmentare), gjysma do të votonin për partitë opozitare që ekzistonin në zgjedhjet e fundit parlamentare, dhe vetëm 1.5% për partitë e krijuara pas tyre (48.5% do të votonin për PS-në dhe PSD-në; shihni Tabelën 1).
Tabela 1. Si do të shpërndaheshin votat e atyre që kanë gjasa të votojnë sot në qarqet Tiranë-Durrës
| PS | 48.3% | 48.5% |
| PSD | 0.2% | |
| PD | 40.1% | 50.0% |
| LSI | 4.7% | |
| PAA | 3.0% | |
| PDIU | 1.7% | |
| PR etj. | 0.5% | |
| Partite e reja | 1.5% | 1.5% |
Në lidhje me besimin tek institucionet qeveritare për të menazhuar situatën pandemike Covid-19, pothuaj 54% e banorëve të rritur të qarqeve Tiranë-Durrës (pavarësisht nëse kanë gjasa apo jo të votojnë sot) kanë opinion negativ (shihni Tabelën 2).
Tabela 2. Sa besim kanë banorët e rritur të qarqeve Tiranë-Durrës tek institucionet qeveritare për manazhimin e situatës pandemike Covid-19
| Shumë | 9.4% | 45.1% |
| Disi | 35.7% | |
| Pak | 31.0% | 53.9% |
| Aspak | 22.9% | |
| S’e di | 1.0% | 1.0% |
