Rreth 69 për qind e qytetarëve italianë do të votonin për kandidaten demokrate, Hillary Clinton, nëse do të kishin të drejtën e votës në zgjedhjet presidenciale amerikane, ndërkohë që 19 për qind e tyre do të votonin për kandidatin republikan, Donald Trump, doli sot nga një sondazh i kompanisë ”Ixè” për llogari të televizionit shtetëror italian, RAI.
”Afërsisht 12 për qind nuk ishin të vedosur se për kë do të votonin”, sipas këtij sondazhi.
Donald Trump pranoi nominimin e Partisë Republikane amerikane për të kandiduar për postin e presidentit të vendit, gjatë konventës kombëtare që u zhvillua në Klivlend, duke hapur kështu zyrtarisht garën me kandidaten demokrate Hillary Clinton.
”Plani ynë është Amerika e para. Amerikanizmi, jo globalizmi, do të jetë kredoja jonë”, deklaroi Trump gjatë fjalimit të rastit. (java / r.a)
