Nga Urim Bajrami
Ata janë soji më i keq i katundarëve.
Ata që, kur erdhën në Tiranë, kuptuan se kishte femra më të bukura se gruaja që kishin njohur në fshat dhe që e kishin zgjedhur si shoqen e jetës.
Ndaj e ndanë, e lanë më fëmijët e tyre adoleshentë dhe u martuan me adoleshente…
Ata që, kur erdhën në Tiranë kuptuan se, pa iu lëpirë dikujt me pushtet nuk do të ecin dot në jetë…
Dhe ia dolën. Tani kanë vila, makina të shtrenjta dhe miliona…
Ata që, pasi erdhën në Tiranë, u divorcuan, u rimartuan dhe u pasuruan, ia mbushën mendjen vetes se ishin vetëm ata që mund t’i flisnin popullit për moral, nder e parime.
Mundësisht çdo natë, përmes televizioneve…
Ata që…etj, etj.
Janë të rrezikshëm! Janë sojsëzë!
Shënim: Edhe unë katundar jam. Por jo sojsëz!
