E dimë që soda është e mirë por deri më sot e kemi ditur që përdorej, kryesisht, për stomakun. Ja ku po ua themi që në fillim, nëse keni një gjë me vlerë të gjithanshme në shtëpi, ajo është soda.
Ja ku përdoret…
Për higjienën personale
Soda mund të përdoret në vend të pastës së dhëmbëve por vetëm një herë në javë. Një tjetër alternativë është të hidhni një lugë kafeje në gotë dhe thjesht të bëni shpëlarje të gojës nga mbetjet e ushqimeve. Ajo mund të shërbejë gjithashtu si scrub për trupin ose fytyrën.
Shkrini sodën në fare pak ujë dhe ja ku u bë scrub-i.
Gjen përdorime gjithashtu në deodorantët për këmbët. Mund ta realizoni vetë, me dy lugë sodë dhe një gotë ujë bashkë me lëngun e gjysmë limoni. Po të spruconi këtë lëng te këmbët do t’i keni menjëherë më të freskëta.
Përdoret te shampot për efekt butësie dhe shkëlqimi në flokë. në këtë rast, duhet t’ia shtoni sasisë së shampos që do aplikoni në flokë.
Si detergjent pastrues…
Me ndihmën e sodës, nuk keni nevojë pse të blini detergjent në markete. Me përzierje uji e lëngu limoni, soda do të bëj mrekullira gjithandej, qoftë në pajisjet e tualetit, xhamave apo enëve të kuzhinës. Është njësoj e dobishme edhe në pastrimin e njollave në bluzat e fëmijëve, pastrimin e furrës së sobës nga yndyrat e shumta që janë akumuluar etj…
Tani, në pazarin e radhës, blini vetëm sodë!
Living
