Procesi i zgjedhjes së delegatëve në qarqet Gjirokastër e Vlorë ka vijuar me probleme dhe ankesa të shprehura nga anëtarësia e Partisë Socialiste.
Fillimisht ishte fshati Lazarat, i cili nuk është lejuar të votojë, ndërkohë që burime për mediat thonë se në Përmet 45 anëtarë të rinj kanë braktisur procesin e votimit.
Sipas tyre, emrat e kandidatëve që organizatat kanë propozuar, nuk figurojnë në fletën e votimit të ofruar nga komisioni.
Një grup anëtarësh madje kanë akuzuar drejtpërdrejt koordinatorin socialist Koço Kokëdhima se ka tjetërsuar propozimet e tyre qëllimisht, duke vendosur si kandidatë për delegatë njerëz që vetëm ai i njeh.
