Flaket e zjarrit kanë përfshirë një shtëpi banimi në lagjen Karbunarë në Bashkinë e Lushnjës në orët e para të mëngjesit të sotëm.
Kanë qenë të afërmit që kanë vënë re tym nga dritarja në banesë dhe kanë njoftuar zjarrfikësen, e cila ka ardhur me urgjencë për të vënë nën kontroll flakët duke mos lejuar përhapjen e tyre në pjesën tjetër të shtëpisë dykatëshe.
Në momentin e rënies së zjarrit, brenda shtëpisë nuk ka pasur asnjë banor.
Flaket e zjarrit kane shkrumbuar plotësisht orenditë e kuzhinës.
Zjarrfikësit thonë se shkak është bërë lënia ndezur e sobës së druve nga ana e familjarëve.
Dëmet materiale janë të konsiderueshme.
a.cupaj
