Një nga skulpturat më të famshme nga Henry Moore, mund të tejkalojë si vlerë shifrën e 25 milionë eurove në një ankand në Londër që do të bëhet në fund të qershorit.
Nëse shitet do të jetë një çmim rekord për punën e këtij skulptori të njohur britanik.
Shtëpia e Ankandeve “Christie” tha se skulptura “Reclining Figure: Festival” mund të arrijë një çmim prej 15 deri në 20 milionë paund (19 deri në 25.5 milionë euro) në ankand më 30 qershor.
Figura bronzi abstrakte e një gruaje gjysmë të shtrirë ka këmbën e prirur lehtë, teksa mbështetet në bërryla. Ajo është gati 2.3 metra e gjatë dhe u krijua për “Festivalin e Britanisë” në 1951, citohet BETA.
Moore (1898-1986) konsideronte se “Reclining Figure” ishte një nga veprat e tij më të rëndësishme, duke thënë se ajo ishte puna e tij të parë “, në të cilën ai arriti që formën dhe hapësirën t’i konsideronte në mënyrë të pandashme”.
Ai bëri pesë versione të skulpturës, një nga të cilat është shitur në ankand po në Christie në vitin 2012 për 19.1 milionë funte (25 milionë euro), që është një rekord për veprat nga ky artist dhe për vetë skulpturën britanike. (b.an)
