Skënderbeu rrezikon nga dy në shtatë vjet përjashtim nga kompeticionet e UEFA-s nëse shpallet fajtor për akuzat për trukim ndeshjesh.
Por kjo nuk do të ishte e gjitha, pasi Dënimi i mundshëm nga UEFA pasohet pashmangshmërisht nga masa të marra nga FSHF.
Drejtuesit e këtij institucioni nuk kanë aspak qejf të ndërmarrin një vendim të tillë kundër korçarëve, qoftë edhe për raportin miqësor mes Dukës dhe Takajt, por ndëshkimi i mëtejshëm do të vinte i imponuar nga UEFA dhe do të ishte drastik: rrëzimin në dy kategori më poshtë të klubit.
Precedenti është ai i rastit të klubit Pobeda. Gjithsesi, derisa të dalë vendimi, ende nuk ka gjë të sigurt.
Nëse do të ndodhë kështu, atëherë Partizani shkon në Champions, Kukësi me Teutën në Ligën e Europës dhe hapet një rreze shprese për Vllazninë e vendit të gjashtë, pasi Tirana figuron me shumë borxhe dhe mund të mos përfitojë nga kjo “përmbysje”…
Panorama Sport/D.I.
