Skënderbeu nis sot në Korçë përfaqësimin në kupat e Europës. Kundërshtari është Krusejdërs, ekip nga Irlanda e Veriut që në turin e parë të Champions League, kaloi kampionin e Estonisë, Levadia Talinin.
Klubi korçar ka kryer afrime veçanërisht në sulm ku ndihmë do të japë edhe lojtari i Kombëtares, Hamdi Salihi. Trajneri Mirel Josa nuk e shikon si një rival të lehtë Krusejdërsin, që vlerësohet si një ekip gjysmëprofesionist.
Mungesa e vetme do të jetë Sabien Lilaj, i cili nuk e ka kaluar dëmtimin. Ndeshja do të nisë në orën 20:00 dhe pritet që Skënderbeu të mbështet nga tifozë të shumtë.
