Skënderbeu ecën në të njëjtin hap me Partizanin, duke mundur 4-0 Bylisin. Golat për korçarët u shënuan nga Progni, në pjesën e parë, dhe Abazi, Berisha e Salihi, pas pushimit. Kampionët kanë 34 pikë pas 14 ndeshjeve, katër më pak se Partizani, me 38.
Në Durrës, Teuta dhe Tirana u ndanë në barazim pa gola. Durrsakët mbajnë vendin e tretë, me 27 pikë, katër mbi Kukësin që fitoi dje, ndërsa bardheblutë janë në vendin e pestë, me 21 pikë.
