Ka zgjatur vetëm pak orë kryesimi i Superligës nga ana e të kuqve të Partizanit.
Kjo pasi Skënderbeu arriti një fitore të vyer në kryeqytet përballë Tiranës me rezultatin e ngushtë 1-0.
Korçarët arritën të fitojnë në një ndeshje mjaft të fortë dhe të luajtur nën reshjet intensive të shiut që kanë përfshirë kryeqytetin prej së dielës.
Golin e vetëm të sfidës e shënoi një ish-lojtar i Tiranës. Hamdi Salihi mposhti portierin e Tiranës në minutën e 83-të të takimit, duke i dhënë të tijve 3 pikët dhe njëkohësisht kryesimin e superligës.
Pas javës së 31-të Skënderbeu kryeson renditjen me 69 pikë, 2 më shumë se Partizani. Kur kanë mbetur edhe 5 javë për tu luajtur, duket se gara për titull do të vijojë të jetë e fortë deri në fund.
