Heroi i ekipit të Skënderbet në Rusi ishte kroati Marko Radas, pasi vetëm ai arriti që të kuptonte thirrjet anti shqiptare në stadiumin e Lokomotivës së Moskës në minutat e para të ndeshjes.
Një fakt ti tillë u kontatua edhe gjatë ndeshjes ku kroati iu drejtuar arbitrit duke e vendosur në dijeni, por e konfirmon edhe Orges Shehi.
“Ishte Radas ai që shkoi te gjyqtari duke i thënë që këto janë thirrje raciste. Në pjesën e dytë unë shkova te arbitri i portës për ta sinjalizuar për thirrjet e tjera edhe ai më tha që e dinte se ato ishin thirrje raciste” tha portieri.
Ndërsa Bernat Berisha shprehet se një gjë e tillë nuk ka për të ndodhur në Shqipëri. “Besoj që shqiptarët do tregojnë edukatën që kemi dhe mendoj që do ti mahnisim të gjithë me mbështetjen ndaj Kombëtares tonë.
Nuk do të ketë vend politika dhe jam i bindur që do t’ia dalim” deklaroi Berisha, i cili e përjetoi më shumë se pjesa tjetër, pasi përpos thirrjeve ‘Vritni shqiptarët’ kishte edhe shumë të tjera si ‘Kosova është Serbi’.
Ndeshja përfundoi 2-0, ndërsa Lokomotiva pritet të mos kalojë me lehtësi këtë situatë, pasi Komisioni i Disiplinës dhe Etikës në UEFA pritet të paktën ta gjobisin.
