Skënderbeu bën historinë, teksa në mbrëmjen e djeshme ka mposhtur 2-0 në transfertë, skuadrën moldave të Milsamit. Ndeshja e vlefshme për turin e tretë kualifikues të Ligës së Kampionëve, teksa korçarët kanë edhe një 90 minutësh tjetër për të luajtur në Korçë.
Nëse Skënderbeu nuk gabon në shtëpi, atëherë kualifikohet në playoff të Ligës së Kampionëve. Kalimi në playoff do të thotë, se në rastin më të keq, Skënderbeu siguron një vend në fazën e grupeve të Europa League dhe në rastin më të mirë, një vend në fazën e grupeve të Ligës së Kampionëve.
